ᓄᓇᓕᕆᔨ

ᓄᓇᓕᕆᔨ

ᐃᖅᑲᓇᐃᔮᑦᓴᐅᑉ ᐃᓗᓕᖏᑦ

ᓄᓇᓕᕆᔨ ᐊᑑᑎᓕᒻᒪᕆᐅᔪᖅ ᐃᖅᑲᓇᐃᔭᕐᕕᒻᒥ, ᐊᐅᓚᑦᓯᓂᕐᒥᒃ, ᐊᒻᒪ ᖃᐅᔨᓴᖅᑎᐅᓂᕐᒥᒃ ᓄᓇᓕᓐᓂ ᐊᐅᓚᑦᓯᔨᓄᑦ ᓄᓇᖁᑎᐅᔪᓂᒃ. ᐅᓂᒃᑳᓕᐅᖅᑎᐅᓗᓂ ᓄᓇᓕᕆᔨᒻᒪᕆᒻᒧᑦ, ᐅᐸᓗᖓᐃᔭᐅᑎᖏᓐᓂᒃ, ᐊᑐᖅᑐᐊᕈᑎᓂᒃ ᐊᐅᓚᑦᓯᓂᒃᑯᑦ, ᖃᐅᔨᒋᐊᖅᑎ ᒪᓕᒐᐃᑦ ᒪᓕᑦᑕᐅᒐᓗᐊᕐᒪᖔᑕ, ᓄᓇᒥ ᖃᐅᔨᒃᑲᕐᓵᕆᔾᔪᑎᓂᒃ ᖃᐅᔨᒋᐊᖅᑎ, ᓄᓇᓕᕆᔾᔪᑏᑦ ᐱᓕᕆᔾᔪᑎᖏᓐᓂᒃ ᐊᐅᓚᑦᓯᔨ, ᐊᒻᒪ ᐱᔨᑦᓯᕋᖅᑎᐅᔪᖅ ᑐᑦᓯᕋᐅᑎᓕᐅᖅᑎᓄᑦ, ᐊᑐᖅᑐᐊᖅᑎᓄᑦ, ᐊᒻᒪ ᐱᓕᕆᔾᔪᑎᓂᒃ ᑐᓴᐅᒪᒍᒪᔨᓄᑦ. ᐃᖅᑲᓇᐃᔮᖅᑖᖅᑐᖅ ᓇᓗᓇᐃᓯᓂᐅᓂᐊᖅᑐᖅ ᓄᓇᓕᓐᓂᒃ ᐊᐅᓚᑦᓯᔨᓄᑦ ᓄᓇᖁᑎᐅᔪᑦ ᐊᐅᓚᑕᐅᑦᓯᐊᐸᒃᑲᓗᐊᕐᒪᖔᑕ ᐃᑉᐱᒋᔭᐅᑦᓯᐊᖅᑐᑎᒃ, ᒪᓕᒐᐃᑦ ᒪᓕᑦᑕᐅᒋᐊᓖᑦ ᒪᓕᑦᑕᐅᒐᓗᐊᕐᒪᖔᑕ, ᐊᒻᒪ ᓄᓇᓕᕆᔾᔪᑎᐅᔪᑦ ᑐᑭᓯᒋᐊᕈᑎᖏᑦ ᐃᑲᔪᕐᓱᐃᔾᔪᑎᐅᑦᓯᐊᕈᓐᓇᕋᓗᐊᕐᒪᖔᑕ ᐸᕐᓇᐅᑎᓂᒃ ᐊᒻᒪ ᐱᕙᓪᓕᐊᑎᑦᓯᔾᔪᑎᒍᑦ ᐱᒋᐊᖅᑎᑕᐅᓯᒪᔪᓂᒃ.

ᑮᓇᐅᔭᓕᐊᖏᑦ

• ᐃᑲᕐᕋᕐᓯᐅᑎᖓ: $36.88 ᐃᑲᕐᕋᖅ

• ᐃᑲᕐᕋᐃᑦ ᐱᓕᕆᕕᖏᑦ: 35 ᐃᑲᕐᕋᐃᑦ ᐱᓇᓱᐊᕈᓯᖅ ᐊᑕᐅᓯᖅ

• ᓄᓇᓕᕐᒥᐅᑕᐅᓂᕐᒧᑦ ᐃᑲᔫᓯᐊᑦ: $20, 907.44 ᐊᕐᕌᒍᓕᒫᒧᑦ

• ᖃᓄᐃᑦᑑᓂᖓ: ᖃᐅᑕᒫᖅᑐᖅᓯᐅᑎ ᐃᖅᑲᓇᐃᔭᖅᑎᐅᖏᓐᓇᓕᕐᓗᓂ

• ᔫᓐᓂᐊᓐᓕᕆᔾᔪᑎᖓ: ᐃᓚᒋᔭᐅᔪᖅ ᔫᓐᓂᐊᓐᑯᓐᓄᑦ

ᐱᓕᕆᐊᑦᓴᓪᓚᕆᖏᑦ

• ᐃᖅᑲᓇᐃᔮᖃᖅᐸᑦᑐᖅ ᓄᓇᓕᓐᓂᒃ ᐊᐅᓚᑦᓯᔨᓄᑦ ᓄᓇᖁᑎᖏᓐᓂ ᖃᓄᐃᓕᐅᕈᑎᐅᔪᓂᒃ ᐊᐅᓚᑦᓯᔨᐅᓗᓂ ᒪᓕᑦᑐᒋᑦ ᓄᓇᓕᕆᔾᔪᑎᐅᔪᑦ ᒪᓕᒐᐃᑦ, ᓄᓇᓕᓐᓂᒃ ᐊᐅᓚᑦᓯᔨᓄᑦ ᐊᑐᐊᒐᕐᓂᒃ, ᓄᓇᖁᑎᓄᑦ ᑭᓪᓕᓕᐅᕈᑎᖏᓐᓂᒃ ᒪᓕᒋᐊᓕᓐᓂᒃ, ᐊᒻᒪ ᐊᑐᖅᑕᐅᒋᐊᓕᓐᓂᒃ ᒪᓕᒐᕐᓂᒃ.

 - ᕿᒥᕐᕈᐊᖅᑎ ᐊᑐᖅᑐᐊᕈᑎᓄᑦ ᐊᖏᕈᑎᓂᒃ ᐊᒻᒪ ᖃᐅᔨᓴᖅᐸᑦᑐᓂ ᒪᓕᑦᑕᐅᒐᓗᐊᕐᒪᖔᑕ ᐊᑐᖅᑐᐊᕈᑏᑦ ᐃᓗᓕᖏᑦ,  ᐱᓕᕆᐊᑦᓴᓂᒃ  ᐱᕙᓪᓕᐊᑎᑦᓯᓂᒃᑯᑦ, ᐃᓱᓕᕝᕕᐅᔪᓂᒃ ᐅᓪᓗᕐᓯᐅᑎᒍᑦ, ᐊᒻᒪ ᓄᓇᐅᑉ ᖃᓄᖅ ᐊᑐᖅᑕᐅᒋᐊᖃᕐᓂᖏᓐᓄᑦ ᒪᓕᒋᐊᓕᓐᓂᒃ. ᐱᓕᕆᕝᕕᐅᔪᓂᒃ ᖃᐅᔨᓴᖅᐸᓪᓗᓂ ᐊᒻᒪ ᖃᐅᔨᓴᖅᑐᓂᒃ ᐊᑦᑐᐊᔪᓂᒃ ᓄᓇᓕᓐᓂᒃ ᐊᐅᓚᑦᓯᔨᓄᑦ ᓄᓇᖁᑎᖏᓐᓂᒃ ᐊᒻᒪ ᐊᑐᖅᑐᐊᒐᑎᒍᑦ ᒪᓕᒐᐃᑦ ᒪᓕᑦᑕᐅᒐᓗᐊᕐᒪᖔᑕ ᐱᔾᔪᑎᖃᐅᖅᑐᓂᒃ.

• ᐅᐸᓗᖓᐃᔭᐃᕙᓪᓗᓂ ᓄᓇᓕᕆᔪᓂᒃ ᑐᑦᓯᕋᐅᑎᖏᓐᓂᒃ, ᐱᖃᓯᐅᑎᓪᓗᒋᑦ ᐊᑐᖅᑐᐊᕈᑎᓄᑦ ᓄᑖᕈᖅᑎᑦᓯᔾᔪᑎᖏᑦ, ᐅᐃᒍᔭᐅᔾᔪᑎᖏᑦ ᐱᓕᕆᔾᔪᑎᒍᑦ, ᓴᖑᑎᑦᓯᔾᔪᑎᖏᓐᓂᒃ, ᐅᑎᖅᑎᑦᓯᒍᑎᓂᒃ, ᐃᓱᓕᔾᔪᑎᐅᔪᓂᒃ ᐱᓕᕆᔾᔪᑎᓂᒃ, ᐃᓪᓗᑖᕈᑎᓂᒃ ᐊᑐᖅᑐᐊᒐᕐᓂᒃ ᐊᖏᕈᑎᖏᓐᓂᒃ, ᐊᒻᒪ ᐊᓯᖏᓐᓂᒃ ᓄᓇᓕᕆᔾᔪᑎᐅᕙᑦᑐᓂᒃ ᓂᐅᕐᕈᑎᒍᑦ.

• ᐱᓯᒪᑦᓯᐊᐸᓪᓗᒋᑦ ᐱᑦᓯᐊᕐᓯᒪᔪᑦ ᓱᓕᔪᑦ ᓄᓇᓕᕆᔾᔪᑏᑦ, ᓄᓇᖁᑎᓂᒃ, ᐊᑐᖅᑐᐊᕈᑎᓂᒃ, ᐊᒻᒪ ᓂᐅᕐᕈᑎᓕᕆᔪᑦ ᐱᓕᕆᔾᔪᑎᒥᓂᐅᔪᑦ ᐊᑕᐅᑦᓯᒃᑯᑦ ᐊᐅᓚᑦᓯᕙᓪᓗᓂ ᓄᓇᖁᑎᑖᕋᓱᐊᖅᑐᓂᒃ, ᐱᓕᕆᐊᑦᓴᓕᓐᓂᒃ, ᐊᒻᒪ ᓇᓗᓇᐃᕐᓯᒪᓂᖏᓐᓄᑦ ᖃᐅᔨᓴᖅᐸᓪᓗᒋᑦ ᓇᓗᓇᐃᔭᐃᓂᒃᑯᑦ ᐱᓕᕆᕝᕕᖏᑦ.

• ᐊᑐᕈᓐᓇᕆᐊᓕᒃ ᓄᓇᒥ ᖃᐅᔨᒃᑲᕐᓵᕆᔾᔪᑎᓂᒃ ᖃᐅᔨᒋᐊᕈᑎᖏᓐᓂᒃ ᒪᑭᒪᑎᑦᓯᔾᔪᑎᒋᕙᓪᓗᒋᑦ ᓄᓇᓕᓐᓂᒃ ᐊᐅᓚᑦᓯᔨᓄᑦ ᓄᓇᖁᑎᖏᑕ ᐃᓗᓕᖏᓐᓂᒃ, ᐱᕕᑐᓂᖏᓐᓂᒃ ᖃᐅᔨᓴᖅᐸᓪᓗᓂ, ᐱᓕᕆᕝᕕᐅᔪᓂᒃ ᓄᓇᖕᖑᐊᓕᐅᕈᓐᓇᕐᓗᓂ, ᐊᒻᒪ ᐅᐸᓗᖓᐃᔭᐃᕙᓪᓗᓂ ᓄᓇᖕᖑᐊᓂᒃ, ᐸᕐᓇᐅᑎᓂᒃ, ᐊᒻᒪ ᐊᑦᑐᐊᓂᓕᓐᓂᒃ ᑎᑎᖅᑲᓂᒃ.

• ᐱᓕᕆᖃᑎᖃᖅᐸᓪᓗᓂ ᑲᑐᔾᔨᖃᑕᐅᓗᓂ ᐸᕐᓇᐃᔨᓂᒃ, ᖃᐅᔨᓴᖅᑎᓂᒃ ᓄᓇᓂᒃ, ᑐᑭᓯᒋᐊᖅᑎᑦᓯᔨᓂᒃ, ᒐᕙᒪᓕᕆᔨᓂᒃ, ᐱᔨᑦᓯᕋᕈᑎᓕᕆᔨᓂᒃ, ᐊᒻᒪ ᑭᒃᑯᑐᐃᓐᓇᕐᓂᒃ ᐃᑲᔪᕐᓱᐃᓂᒃᑯᑦ ᓄᓇᒥᒃ ᐱᕙᓪᓕᐊᑎᑦᓯᔾᔪᑎᒍᑦ, ᒪᓕᒐᐃᑦ ᒪᓕᑦᑕᐅᒐᓗᐊᕐᒪᖔᑕ ᖃᐅᔨᓴᕐᓂᒃᑯᑦ, ᐊᒻᒪ ᓄᓇᓕᓐᓂᒃ ᐊᐅᓚᑦᓯᔨᓄᑦ ᓄᓇᖁᑎᖏᓐᓂᒃ ᐊᐅᓚᑦᓯᔾᔪᑎᖏᒍᑦ.

ᐱᓕᕆᔾᔪᑎᐅᒍᓐᓇᕆᐊᓖᑦ

• ᐱᔭᕇᕈᑎᖃᕐᓗᓂ ᐅᕝᕙᓘᓐᓃᑦ ᓯᓚᑦᑐᓴᕐᕕᒻᒥᒃ ᐱᔭᕇᕈᑎᒥᒃ ᑭᒃᑯᑐᐃᓐᓇᕐᓄᑦ ᐊᑐᐊᒐᓕᕆᓂᕐᒥᑦ, ᐊᕙᑎᓕᕆᔾᔪᑎᓂᒃ ᐱᓕᕆᔾᔪᑎᖏᓐᓂᒃ, ᐃᓄᐃᑦ ᐱᓪᓗᒋᑦ ᐃᓕᓐᓂᐊᕈᑎᖏᓐᓂᒃ, ᐅᕝᕙᓘᓐᓃᑦ ᐊᑦᑐᐊᔪᒥᒃ ᐃᓕᓐᓂᐊᕈᑎᒥᓂᕐᓂᒃ. ᐊᔾᔨᖃᐸᓗᑦᑐᑦ ᑲᑎᑦᑐᒋᑦ ᐃᓕᓐᓂᐊᕈᑎᐅᓯᒪᔪᑦ ᐊᒻᒪ ᐱᓕᕆᐊᖃᕐᓯᒪᔪᑦ ᐃᓱᒪᑦᓴᕐᓯᐅᕈᑎᐅᒍᓐᓇᖅᑐᑦ.

• ᖃᐅᔨᒪᒋᐊᓕᒃ ᓄᓇᓕᓐᓂᒃ ᐊᐅᓚᑦᓯᔨᐅᔪᑦ ᓄᓇᓕᕆᔾᔪᑎᖏᓐᓂᒃ, ᐊᑐᖅᑐᐊᕈᑎᒍᑦ ᐊᖏᕈᑎᖏᓐᓂ, ᓄᓇᑖᕈᑎᓄᑦ ᐱᓕᕆᔾᔪᑎᖏᓐᓂᒃ, ᒪᓕᒐᕋᓛᓂᒃ, ᐊᑐᐊᒐᕐᓂᒃ, ᒪᓕᒐᑎᒍᑦ ᓇᓗᓇᐃᔭᐃᑎᖏᓐᓂᒃ, ᐊᒻᒪ ᒪᓕᒐᕐᓂᒃ ᒪᓕᑦᑕᐅᒋᐊᖃᖅᐸᑦᑐᓂᒃ.

• ᐊᐅᓚᑦᓯᔨᐅᓯᒪᓗᓂ ᖃᐅᔨᓴᖅᑐᓂᒃ, ᑐᖅᑯᐃᕐᓯᓯᒪᑦᓯᐊᕈᓐᓇᕐᓗᓂ ᐱᓕᕆᔾᔪᑎᒥᓂᕐᓂᒃ, ᐅᓂᒃᑳᓕᐅᖅᐸᓪᓗᓂ, ᐊᒻᒪ ᐊᑐᖅᐸᓪᓗᓂ ᓄᓇᒥ ᖃᐅᔨᒃᑲᕐᓵᕆᔾᔪᑎᓂᒃ ᖃᐅᔨᒋᐊᕈᑎᓂᒃ, ᖃᕋᑕᐅᔭᒃᑯᑦ ᐱᓕᕆᔾᔪᑎᒥᒃ  Microsoft Office, ᐊᒻᒪ ᐱᕕᑐᔪᓂᒃ ᓄᓇᓂᒃ ᑐᑭᓯᒋᐊᕈᑎᖏᓐᓂᒃ ᐱᓕᕆᔾᔪᑎᐅᔪᓂᒃ.

• ᑎᑎᕋᕐᓯᒪᓂᖏᓐᓂᒃ ᑐᑭᓕᐅᕆᔪᓐᓇᕐᓗᓂ ᐊᑐᖅᑐᐊᕈᑎᐅᔪᑦ, ᒪᓕᒐᓕᕆᔪᓂᒃ ᑎᑎᖅᑲᓂᒃ, ᕿᖕᖑᑎᒍᑦ ᖃᐅᔨᓴᐅᑎᑦᓴᓂᒃ ᐸᕐᓇᐅᑎᓂᒃ, ᒪᓕᒐᕐᓂᒃ, ᐊᑐᐊᒐᕐᓂᒃ, ᐊᒻᒪ ᓱᓇᑐᐃᓐᓇᐃᑦ ᐱᓕᕆᔾᔪᑎᖏᓐᓂᒃ ᑲᔪᓯᑦᓯᐊᕈᑎᖏᓐᓂᒃ ᐊᑕᐅᑦᓯᒃᑯᑦ ᑐᓴᐅᒪᑎᑦᓯᐸᓪᓗᓂ ᒪᓕᒋᐊᓕᓐᓂᒃ ᓇᓗᓇᐃᑦᓯᐊᐸᓪᓗᒋᑦ ᐊᒻᒪ ᐱᕙᓪᓕᐅᑎᓯᒪᑎᓇᓱᐊᖅᐸᓪᓗᒋᑦ.

• ᑐᓴᐅᒪᑎᑦᓯᒍᓐᓇᑦᓯᐊᕆᐊᓕᒃ, ᑲᑐᔾᔨᖃᑎᒌᓂᒃ ᐱᓕᕆᔨᐅᒍᓐᓇᑦᓯᐊᕐᓗᓂ, ᖃᐅᔨᓴᕈᓐᓇᕐᓗᓂ, ᐊᒻᒪ ᐱᔨᑦᓯᕋᖅᑎᐅᒍᓐᓇᓯᐊᕐᓗᓂ ᑲᑐᔾᔨᔪᓂᒃ ᐱᓕᕆᖃᑎᖃᕈᓐᓇᑦᓯᐊᕐᓗᓂ ᑐᑦᓯᕋᖅᑎᓂᒃ, ᐊᑐᖅᑐᐊᖅᑎᓂᒃ, ᑐᑭᓯᒋᐊᖅᑎᑦᓯᔨᓂᒃ ᖃᓄᑐᐃᓐᓇᖅ, ᖃᐅᔨᓴᖅᑎᓂᒃ ᑭᖕᖑᓵᒃᑯᑦ, ᒐᕙᒪᓕᕆᔨᓂᒃ, ᐊᒻᒪ ᑭᒃᑯᑐᐃᓐᓇᕐᓂᒃ.

• ᐱᖁᑎᐅᔪᑦ ᑮᓇᐅᔭᓕᐅᕈᑎᐅᒍᓐᓇᖅᑐᑦ ᐱᖃᓯᐅᔾᔨᓯᒪᔪᑦ ᓄᓇᓕᓐᓂ ᒐᕙᒪᓕᕆᔨᓂ ᐱᓕᕆᐊᖃᕐᓯᒪᒍᓂ, ᓄᓇᒥ ᖃᐅᔨᒃᑲᕐᓵᕆᔾᔪᑎᓂᒃ ᖃᐅᔨᒋᐊᕈᑎᖏᓐᓂᒃ ᐊᒻᒪ ᐱᕕᑐᔪᓂᒃ ᖃᐅᔨᓴᕐᓂᒃᑯᑦ ᐱᓕᕆᐊᖃᕐᓚᐅᕐᓯᒪᓗᓂ, ᖃᐅᔨᒪᓗᓂᒋᑦ ᓄᓇᕘᒥ ᓄᓇᒥᒃ ᓇᖕᒥᓂᖃᕐᓂᕐᒥᒃ ᐱᓕᕆᔾᔪᑎᖏᓐᓂᒃ, ᓄᓇᓕᖃᕐᓯᒪᓂᕐᒥᒃ ᐅᕝᕙᓘᓐᓃᑦ ᐱᓕᕆᐊᖃᕐᓯᒪᓂᕐᒥᒃ ᐃᓄᐃᑦ ᓄᓇᖓᓐᓂ ᐊᑐᕐᓯᒪᓗᓂ, ᐃᓄᐃᑦ ᐅᖃᐅᓯᖏᓐᓂᒃ ᖃᐅᔨᒪᓗᓂ, ᐊᒻᒪ ᐊᑐᕈᓐᓇᓯᐊᖅᑐᒥᒃ ᓇᓗᓇᐃᒃᑯᑎᓕᒻᒥᒃ 5 ᐊᖁᑦᑐᖅᓯᐅᑎᖃᕐᓗᓂ.

ᐱᓇᓱᐊᖃᑕᐅᒋᑦ ᐅᓪᓗᒥ

ᐅᓇ ᖁᕕᐊᓇᓪᓚᕆᑦᑐᖅ ᐱᓇᓱᐊᕈᑎᐅᔪᖅ ᐃᑲᔪᕈᒪᓪᓗᓂ ᐃᑉᐱᒍᓱᑦᓯᐊᓂᒃᑯᑦ ᓄᓇᒥᒃ ᐊᒻᒪ ᑲᔪᓯᒍᓐᓇᓯᐊᖅᑐᓂᒃ ᓄᓇᓕᓐᓂ ᐱᕙᓪᓕᐊᑎᑦᓯᔾᔪᑎᓄᑦ. ᐃᖅᑲᓇᐃᔮᑦᓴᖅ ᐊᔾᔨᐅᖏᑦᑐᓂᒃ ᑲᑎᓯᒪᔪᓂᒃ ᐱᓕᕆᐊᓕᒃ ᓄᓇᓕᕆᔾᔪᑎᓂᒃ, ᓄᓇᒥ ᖃᐅᔨᒃᑲᕐᓵᕆᔾᔪᑎᒍᑦ  ᖃᐅᔨᓴᕐᓂᕐᒥᒃ, ᐱᓕᕆᕝᕕᑦᓴᓂᒃ ᖃᐅᔨᓴᕐᓂᖅ, ᒪᓕᒐᐃᑦ ᒪᓕᑦᑕᐅᒐᓗᐊᕐᒪᖔᑕ ᖃᐅᔨᓴᕐᓂᖅ, ᓄᓇᓂᒃ ᓂᐅᕐᕈᑎᖃᕐᓂᖅ, ᐊᒻᒪ ᑐᓴᐅᒪᒍᒪᔪᓂᒃ ᐱᓕᕆᔾᔪᑎᓂᒃ ᐱᓕᕆᖃᑎᖃᖅᐸᓐᓂᖅ, ᑐᑭᖃᑦᓯᐊᖅᑐᓂᒃ ᐊᒻᒪ ᐊᔾᔨᒌᖏᑦᑐᓂᒃ ᐱᓕᕆᐊᖃᖅᐸᑦᑐᖅ ᐃᑲᔪᕐᓱᐃᔾᔪᑎᐅᕙᑦᑐᓂᒃ ᓄᓇᓕᐅᑉ ᐱᕈᖅᐸᓪᓕᐊᒍᑎᖏᒍᑦ ᐊᒻᒪ ᐱᕙᓪᓕᐊᑎᑦᓯᒍᑎᖏᖑᑦ.

ᒪᓕᑦᑐᒋᑦ ᑎᑎᕋᕐᓯᒪᔪᑦ ᐋᑎᑯᓪ 23-ᒥ ᓄᓇᕗᑦᒥᒃ ᓄᓇᑖᕈᑎᐅᓯᒪᔪᖅ ᐊᖏᕈᑎᒥ, ᓯᕗᓪᓕᐅᔾᔭᐅᒍᓐᓇᖅᑐᑦ ᓄᓇᕘᒥᒃ ᓄᓇᑖᕈᑎᐅᓯᒪᔪᒥ ᐊᖏᕈᑎᒥ ᐊᑎᖃᖃᑕᐅᔪᑦ ᒪᓕᑦᑐᑦ ᒪᓕᒋᐊᓕᓐᓂᒃ ᐱᓇᓱᐊᕈᑎᖏᓐᓂᒃ.