PPT søkjer engasjert rådgjevar

Rettleiingstenesta Vestland sør, Vestland fylkeskommune

Vikastemmo 35, 5411 Stord

Om jobben

Lagre favoritt

Stillingstittel

PPT søkjer engasjert rådgjevar

Type ansettelse

Fast, heltid 100%

Antall stillinger

1

Arbeidsspråk

Norsk

Søk senest onsdag 11. november

Vil du vere med å gjere ein skilnad for ungdom i Ullensvang og Sunnhordland?

Rettleiingstenesta legg til rette for at flest mogleg ungdom og vaksne fullfører vidaregåande opplæring. Vi har eit nært samarbeid med skular, kommunar, NAV og andre aktuelle instansar. Vi skal bidra til lærelyst og fremje læring for elevar og lærlingar. Dette gjer vi gjennom å følgje opp elevar, lærlingar, støtte ungdom utanfor opplæring, og rettleie vaksne. Tenesta består av eit tverrfagleg team innan fagfelta pedagogisk-psykologisk teneste (PPT), oppfølgingstenesta (OT), opplæring i bedrift og vidaregåande opplæring for vaksne.

Rettleiingstenesta Vestland sør dekkjer kommunane Fitjar, Tysnes, Stord, Bømlo, Sveio, Etne, Kvinnherad og Ullensvang. Vi har kontorstad på Stord og kontor ved dei vidaregåande skulane i vårt område.

Vi har ledig 100% fast stilling innan PPT med kontorstad på Stord.

Arbeidsoppgåver

Bidra til at vi leverer tenester med høg fagleg kvalitet til elevar og lærlingar ved å:

• gi spesialpedagogisk og pedagogisk råd til skulen
• utarbeide sakkunnige vurderingar og uttaler knytt til PPT sitt mandat
• gjennomføre observasjon og kartlegging innan ulike lærevanskar
• bidra til kompetanseutvikling i skulen med mål om å gi elevar eit best mogleg opplæringstilbod
• arbeide førebyggande for å sikre gjennomføring i vidaregåande
• samarbeide tverrfagleg internt i tenesta og eksternt med våre samarbeidspartnerar
• gi rettleiing og arrangere kurs
• utføre andre arbeidsoppgåver som kan bli lagt til stillinga

Arbeidsoppgåver og arbeidsform i tenesta krev stor grad av sjølvstende. Du må rekne med mykje reiseverksemd ut til samarbeidspartnerar i regionen frå Bømlo i nord til Odda i sør.

Kvalifikasjonar

• utdanning på høgare nivå, fortrinnsvis innan spesialpedagogikk, pedagogikk eller psykologi
• god kjennskap til og erfaring frå vidaregåande opplæring
• kjennskap til læreplanverket er ein fordel
• god munnleg og skriftleg framstillingsevne
• erfaring frå PPT og kartleggingskompetanse er ein fordel
• førarkort klasse B
• det er krav om politiattest før tilsetjing

Særleg relevant erfaring kan kompensere for utdanningskravet.

Personlege eigenskapar

Vi søkjer etter deg som:

• set elevane si læring og utvikling i sentrum for arbeidet
• er løysingsorientert, strukturert og har stor interesse for fagleg utvikling
• har evne til å samarbeide, men òg arbeide sjølvstendig
• er fleksibel, inkluderande og byggjer gode relasjonar med ungdom og kollegaer

Personlege eigenskapar vert vektlagt.

Vi tilbyr

• Meiningsfylt og givande arbeid med ungdom og vaksne i vidaregåande opplæring, i eit fagleg og sterkt tverrfagleg miljø.
• Eit uformelt arbeidsmiljø der vi heiar på kvarandre, inkluderer kvarandre og løftar kvarandre fagleg.
• Løns- og arbeidsvilkår i samsvar med gjeldande avtalar i Vestland fylkeskommune.
• God offentleg tenestepensjon, ei av dei sikraste pensjonsordningane i Noreg.
• Gode forsikringsvilkår.
• Stillingsnemning konsulent, rådgjevar, seniorrådgjevar etter kvalifikasjonar og erfaring.

Kontaktinformasjon

Ragnhild Ravna Skjærvik, leiar, 41432387, [email protected]

Arbeidsstad

Vikastemmo 35

5411 Stord

Nøkkelinformasjon:

Arbeidsgivar: Vestland fylkeskommune

Referansenr.: 5195707385

Stillingsprosent: 100%

Fast

Søknadsfrist: 11.11.2026

Kontaktperson for stillingen

Ragnhild Ravna Skjærvik

leiar

41432387

[email protected]

Om bedriften

Vestland fylkeskommune har ansvar for å utvikle Vestland fylke og å yte viktige tenester for samfunnet. Vi gir vidaregåande opplæring, tannhelsetenester og kollektivtransport til innbyggjarane i fylket. Vi har ansvar for vegsamband og legg til rette for næringsutvikling, fritidsopplevingar, kulturliv og inkludering. Klima og miljø er premiss for samfunnsutviklinga og som verdiskapingsfylke er Vestland ein nasjonal pådrivar for eit desentralisert Noreg.

Vi skal vere ein trygg og inkluderande arbeidsplass for alle, uavhengig av kjønn, alder, etnisk bakgrunn, religion, livssyn, funksjonsevne, seksuell orientering og kjønnsidentitet. Hos oss jobbar vi aktivt med mangfald, inkludering og likestilling. Mangfald bidrar til auka innovasjon, berekraft, effektivitet, læring og trivsel. Vi vil at dei som jobbar hos oss skal spegle samfunnet i Vestland.

Vi gjer merksam på at i følgje offentleglova § 25, 2. ledd, kan opplysningar om søkjaren bli offentleggjort sjølv om du har oppmoda om å ikkje bli ført på offentleg søkjarliste. Dersom du har bedt om unntak frå offentleg søkjarliste vil du alltid bli varsla før søkjarlista blir offentleggjort.

Alle nye tilsetjingar blir gjort med ei prøvetid på 6 månader. Administrasjonsmålet vårt er nynorsk.

Sektor

Offentlig

Annonsedata

Stillingsnummer

58954b4e-cedb-4bc3-9323-15a74ea8b527

Sist endret

22. oktober 2026

Hentet fra

talentech

Referanse

f2d7e4ccbeaa4b02aa06f2a907c75d18