Տեղեկատուի համակարգող

Բաժնի մասին

Գործառնությունների բաժինը պատասխանատու է Հայաստանում գործող բոլոր Թումո կենտրոններում ուսումնական փորձառության ամենօրյա համակարգման համար։ Թիմն ապահովում է, որ ուսանողները սահուն անցնեն Թումոյի ուսուցման բոլոր փուլերով՝ ինքնուսուցումից մինչև դասընթացներ և նախագծային աշխատարաններ՝ ստեղծելով համակարգված, ջերմ և ոգեշնչող միջավայր։

Հաստիքի մասին

Տեղեկատուի համակարգողը ուղղորդում և աջակցում է այցելուներին, տրամադրում անհրաժեշտ տեղեկատվություն և հետևում սպասասրահի կարգուկանոնին՝ ապահովելով կենտրոնի աշխատանքների հարթ և արդյունավետ ընթացքը:

Աշխատանքը հերթափոխային է՝ շաբաթը 4 օր:

Աշխատանքային օրերին՝ 14:00 - 21:30 Շաբաթ՝  09:30 - 17:00 կամ 12:30 - 20:00 Կիրակի՝ 09:30 - 17:00 կամ 10:30 - 18:00

Աշխատանքային պարտականություններ

• Դիմավորել Թումո ուսանողներին, ծնողներին և հյուրերին, պատասխանել նրանց հարցերին՝ տրամադրելով անհրաժեշտ տեղեկատվություն
• Հետևել ուսանողների մուտքերին և ելքերին, ինչպես նաև ապահովել կարգուկանոն սպասասրահում և Թումոյի տարածքում
• Աջակցել ուսանողներին և աշխատակիցներին տեխնիկական և կազմակերպչական հարցերում՝ ըստ սահմանված ընթացակարգի
• Փոխանցել առաջացած ցանկացած խնդիր համապատասխան բաժիններին և տեղեկացնել դրանց մասին անմիջական ղեկավարին
• Ամփոփել հետադարձ կապը և կազմել շաբաթական հաշվետվություններ

Անհրաժեշտ հմտություններ

• Ունես զարգացած հաղորդակցման հմտություններ և կարողանում ես արդյունավետ աշխատել թիմում
• Ունես լավ կազմակերպչական հմտություններ և կարողանում ես կատարել տարբեր առաջադրանքներ՝ ճիշտ սահմանելով առաջնահերթությունները
• Ունես համացանցի հիմնական գործիքների կիրառման հմտություններ
• Ուսանող ես և/կամ Թումո շրջանավարտ, և ուզում ես համատեղել սովորելու և փորձ ձեռք բերելու հնարավորությունը
• Տիրապետում ես անգլերենի, որը կդիտվի որպես առավելություն

Արտոնություններ

• Բժշկական ապահովագրություն և զեղչ՝ ճանապարհորդական ապահովագրության համար
• Աջակցություն աշխատանքային թույլտվություն ստանալու և բանկային հաշիվ բացելու հարցում
• Նոր տարվա լրացուցիչ արձակուրդային օրեր՝ հունվարի 3-ին, 4-ին և 5-ին
• 5 լրացուցիչ արձակուրդային օրեր
• Ծննդյան օրվա արձակուրդ

Կդիտարկվեն միայն այն հայտերը, որտեղ կցված է թարմացված ինքնակենսագրական (CV): Եթե դեռ չունես ինքնակենսագրական (CV), կարող ես ներբեռնել հետևյալ ձևանմուշը, լրացնել քո տվյալները և վերբեռնել դիմելիս։