Asistente Ligjore

Asistente Ligjore pranë CEO-s

Vendndodhja: Tiranë, Shqipëri

Industria: Retail

Raporton te: CEO (Drejtori Ekzekutiv)

Përmbledhje e pozicionit

Një kompani e konsoliduar në industrinë retail në Shqipëri kërkon të punësojë një Asistente Ligjore pranë CEO-s , e cila do të ofrojë mbështetje ligjore dhe administrative në çështjet e përditshme të kompanisë, me fokus të veçantë në kontrollin dhe administrimin e kontratave, përgatitjen e dokumentacionit ligjor dhe koordinimin e njoftimeve zyrtare të CEO-s.

Kandidatja ideale duhet të jetë e organizuar, e kujdesshme ndaj detajeve, me aftësi të mira analitike dhe komunikimi, si dhe me integritet të lartë profesional dhe ruajtje të konfidencialitetit.

Përgjegjësitë kryesore

• Kontrolli dhe shqyrtimi paraprak i kontratave të kompanisë, përfshirë kontratat me furnitorë, qiradhënës, partnerë dhe palë të treta.
• Identifikimi i pasaktësive, mospërputhjeve dhe pikave që kërkojnë vëmendje ligjore në kontrata dhe dokumente zyrtare.
• Përgatitja, përditësimi dhe administrimi i dokumentacionit ligjor dhe kontraktual.
• Ndjekja e afateve të kontratave, rinovimeve, përfundimeve dhe detyrimeve kontraktuale.
• Përgatitja dhe koordinimi i njoftimeve zyrtare të CEO-s, shkresave, komunikimeve dhe dokumenteve drejtuar palëve të treta.
• Organizimi i takimeve dhe koordinimi i komunikimit ndërmjet CEO-s, departamenteve të brendshme dhe bashkëpunëtorëve të jashtëm.
• Bashkëpunimi me juristët ose zyrën ligjore të jashtme për çështje që kërkojnë vlerësim apo asistencë të specializuar.
• Mbajtja dhe përditësimi i arkivës ligjore, duke garantuar ruajtjen e dokumenteve dhe aksesin e kontrolluar në to.
• Monitorimi i dokumentacionit të nevojshëm për aktivitetin e kompanisë dhe mbështetja në përputhshmërinë me legjislacionin shqiptar në fuqi.
• Trajtimi me diskrecion i informacionit konfidencial dhe i dokumenteve që lidhen me vendimmarrjen e CEO-s.

Kërkesat për pozicionin

• Diplomë universitare në Drejtësi.
• Përvojë e mëparshme në asistencë ligjore, administrim kontratash ose në një pozicion të ngjashëm përbën avantazh.
• Njohuri të mira të legjislacionit shqiptar dhe të praktikave bazë kontraktuale.
• Aftësi për të lexuar, analizuar dhe organizuar dokumente ligjore me kujdes dhe saktësi.
• Aftësi shumë të mira organizative, komunikimi dhe menaxhimi të prioriteteve.
• Njohuri të mira të paketës Microsoft Office, veçanërisht Word dhe Excel.
• Aftësi për të ruajtur konfidencialitetin dhe për të trajtuar informacion sensitiv me përgjegjësi.
• Njohja e gjuhës angleze ne nivel profesional

Kompetencat personale

• Integritet dhe etikë profesionale.
• Vëmendje ndaj detajeve dhe saktësi në punë.
• Diskrecion dhe besueshmëri.
• Proaktivitet dhe aftësi për të punuar në mënyrë të pavarur.
• Komunikim profesional dhe aftësi për të bashkëpunuar me nivelet drejtuese të kompanisë.
• Fleksibilitet dhe aftësi për të përballuar disa detyra njëkohësisht.

Çfarë ofrohet?

• Mundësi për të punuar në bashkëpunim të drejtpërdrejtë me CEO-n e kompanisë.
• Mjedis profesional dhe dinamik në industrinë retail.
• Mundësi për zhvillim profesional dhe zgjerim të njohurive në fushën ligjore dhe të biznesit.
• Paketë financiare konkurruese, në varësi të eksperiencës dhe kualifikimeve