Helsesjukepleiar

Volda kommune, Avdeling helsestasjon

Stormyra 2, 6100 Volda

Om jobben

Lagre favoritt

Oppstart

4. januar 2027

Stillingstittel

Helsesjukepleiar

Type ansettelse

Fast, heltid og deltid

Antall stillinger

2

Vis flere detaljer

Søk senest lørdag 31. oktober

Avdeling barn og familie har no ledig både fast stilling og vikariat som helsesjukepleiar.

Frå 01.01.2027 er det ledig 80 % fast stilling helsesjukepleiar og 100 % svangerskapsvikariat helsesjukepleiar i Volda kommune. Vikariatet er t.o.m 31.10.27 men det kan bli høve til forlenging i vikariatet.

Helsestasjonen i Volda omfattar svangerskaps- og barselomsorg, helsestasjons- og skulehelseteneste, helsestasjon for ungdom og studentar, helseteneste for flyktningar samt yrkes- og reisevaksinering. Helsestasjonen inngår i avdeling Barn og familie, saman med seksjon Familie- og ungdomsstøtte.

Vi søker etter deg som har engasjement for førebyggjande og helsefremjande arbeid og som ønsker å jobbe for at barn og unge skal ha gode oppvekstsvilkår.

Volda er ei BTI-kommune (betre tverrfagleg innsats), og som tilsett her er du positivt forplikta til å innrette arbeidet etter denne modellen for samhandling.

Arbeidsoppgåver

I stillingane inngår ordinært arbeid innan helsestasjons- og skulehelseteneste knytt til dei ulike områda dette omfattar. For tida er begge stillingane primært knytt til skulehelseteneste, men arbeidsoppgåvene vil kunne bli endra/ utvida ut frå avdelinga sitt samla behov.

Kvalifikasjonar

Sjukepleiar med vidareutdanning som helsesjukepleiar

Sjukepleiar under utdanning til helsesjukepleiar vil også bli vurdert.

Må kunne meistre dei digitale verktya og programma som er naudsynte i arbeidet.

Personlege eigenskapar

• Har interesse og engasjement for barn, unge og familiar
• Ser verdien i god førebygging og tidleg innsats
• Har evne til å arbeide både sjølvstendig og i team
• Er positiv, strukturert og utviklingsorientert
• Kommuniserer tydeleg og har evne til å etablere gode relasjonar
• Er fleksibel og endringsvillig

Både utdanning, erfaring og personlege eigenskapar blir vektlagt

Vi tilbyr

• Ei spennande stilling med variasjon i arbeidsoppgåver
• Høve til fagleg oppdatering
• Eit inkluderande arbeidsmiljø og utviklingsorientert fagmiljø
• Arbeid på dagtid med fleksitidsordning
• God pensjonsordning
• Løn etter gjeldande avtaleverk

Vi ber om at søkjar presiserer kva stilling dei søkjer på og om det er aktuelt både med fast stilling og vikariat.

Vi ber om at søkjar lastar opp vitnemål og attestar og legg dette ved søknaden i webcruiter.

I samsvar med offentleglova § 25, har søkjar høve til å be om unntak frå offentleg søkjarliste. Dette må grunngjevast i søknaden. Søkjaren sine behov vil bli vurdert konkret opp mot omsynet til offentleg interesse og kravet om innsyn. Dersom kommunen meiner at det ikkje er grunnlag for fritak, vil søkjar bli kontakta og få tilbod om å trekkje søknaden før endeleg søkjarliste blir utforma.

Kontaktinformasjon

Kari-Janne Ljones Kulø, +47 99435473, [email protected]

Arbeidsstad

Stormyra 2

6100 Volda

Nøkkelinformasjon:

Arbeidsgivar: Volda kommune

Referansenr.: 5195270631

Stillingsprosent: 80, 100%

Fast, Vikar

Startdato: 04.01.2027

Søknadsfrist: 31.10.2026

Kontaktperson for stillingen

Kari-Janne Ljones Kulø

+47 99435473

[email protected]

Om bedriften

Volda kommune er den største kommunen på Søre Sunnmøre og den femte største i Møre og Romsdal når det gjeld folketal, med 11 131 personar. Kommunen ligg strategisk til midt i kryssinga mellom fylker og regionar, med kort veg til ruvande fjell og djupblåe fjordar og vatn. Det er kort veg til dei majestetiske Sunnmørsalpane og eit stort utval av turløyper som passar heile familien.

I Volda finn du både høgskule og sjukehus, noko som bringer eit stor mangfald av menneske frå heile landet hit. Med eit yrande student- og kulturliv gjennomførast det tradisjonsrike festivalar heile året og vi har mange lag og organisasjonar ein kan engasjere seg i.

Det er om lag 1.000 engasjerte tilsette i kommuneorganisasjonen som kvar dag gjer ein viktig jobb for innbyggjarane i kommunen. Om du også ønsker å ha ein meiningsfylt og spennande arbeidskvardag, oppmoda vi deg til å søke på stillingane kommunen lyser ut.

Ta gjerne ein tur innom Volda kommune si heimeside for å bli betre kjent med oss!

Fleire ledige stillingar i Volda kommune

Sektor

Offentlig

Nettsted

http://www.volda.kommune.no/

Annonsedata

Stillingsnummer

bbbd0b36-491e-4de2-8245-b0dbb482b6b9

Sist endret

15. oktober 2026

Hentet fra

talentech

Referanse

7d74fa65fc24413d80b89b7ddc039932